Ekipet e NP “Higjiena Komunale” këtë fundjavë realizoi aksionin për pastrimin e auto-poligonit nën Kalanë e Shkupit dhe bregut të lumit Vardar në atë drejtim.

Në kuadër të këtij aksioni të madh, ekipet e NP “Higjiena Komunale” mënjanuan 15 metër kub mbetje komunale, të vëllimshme dhe ndërtimore të hedhura në mënyrë të paligjshme.

Pastrimi i të gjitha deponive të paligjshme në Shkup është prioritet, me qëllim parandalimin e ndotjes së ajrit, tokës dhe ujërave dhe mbrojtjen e shëndetit të qytetarëve. Ekipet e ndërmarrjeve publike të qytetit do të vazhdojnë edhe në periudhën e ardhshme me aktivitete të përforcuara në terren për pastrimin e deponive të paligjshme në territorin e Shkupit.