Ekipet e Qytetit të Shkupit sot filluan rindërtimin e bulevardit Koço Racin, njëri nga bulevardet më të frekuentuar në pjesën qendrore të qytetit. Në këtë rrugë do të hiqet  asfalti i dëmtuar ekzistues dhe do të vendoset shtresë e re asfalti në gjatësi prej 880 metra, në pjesën nga bulevardi Kuzman Josifovski Pitu deri te rruga Shën Qirili dhe Metodi.

- Rikonstruksioni i bulevardit Koço Racin do të bëhet në 40 ditët e ardhshme. Vazhdojmë ta zbatojmë të njëjtin princip të punës së shpejtë dhe cilësore me qëllim që ta zvogëlojmë bllokimin e trafikut. Këtë vit punimet ndërtimore në rrugët kryesore të qytetit përfundojnë në kohë rekorde, gjë e cila mundëson që trafiku në qytetin tonë të zhvillohet pa pengesa dhe rrugë të rindërtuara që garantojnë sigurinë e të gjithë pjesëmarrësve në komunikacion - tha kryetari Shilegov gjatë inspektimit të punimeve ndërtimore në bulevardin Koço Racin.

Derisa të zgjasin punimet ndërtimore do të ketë regjim të përkohshëm të trafikut në bulevardin Koço Racin. Shilegovi u bëri thirrje qytetarëve në baza ditore t'i ndjekin informatat e Qytetit të Shkupit për regjimin e përkohshëm të trafikut në rrugët e qytetit dhe për ngecjet eventuale.