I bëj thirrje ministres së kulturës si përfaqësues i Qeverisë, por edhe zëdhënësve të LSDM-së në pushtet në Këshillin e Qytetit të Shkupit që të ndalojnë me prezantimin e informacioneve që shërbejnë vetëm për manipulim dhe deformimin e gjendjes faktike, edhe përkundër faktit se edhe vetë janë të njohur dhe kanë marrë pjesë në krijimin e problemit në realizimin e këtij projekti, tha Arsovska në konferencën e sotme për media në lidhje me rikonstruksionin e Sallës Universale.

Kryetarja Arsovska theksoi se pushteti  duhet të vendosë nëse sulmet për mbledhjen e pikëve politike janë më të rëndësishme se siguria e qytetarëve. A ishte për kryesinë e mëparshme të Qytetit fillimi i aktiviteteve për rikonstruksion edhe përkundër dokumentacionit jo të plotë teknik të projektit dhe dijenive për probleme serioze në objekt me qëllim pikë politike gjatë ciklit zgjedhor, më i rëndësishëm se rreziku i detektuar për rikonstruksionin e Sallës Universale?.

Jemi dëshmitarë të zgjidhjeve të pjesshme nga udhëheqja e mëparshme, të projekteve të nxituara pa zbatim. Projekti nuk do të ndalet, por gjithçka do të realizohet ashtu si duhet, me zgjidhje që janë të sigurta për qytetarët, tha Arsovska.