LSDM gjatë viteve të kaluara, pa plan, pa projekte, pa realizim, e mbingarkoi me borxhe qytetin dhe ndërmarrjet publike dhe i la si humbëse.

LSDM nuk mund të pajtohen me faktin se qytetarët e kanë dënuar qeverisjen e tyre shpërdoruese, dhe më nuk do të mund të shpenzojnë paratë e popullit për luksoz në kafeteri.

Për pak më shumë se dy muaj, kryetarja Arsovska dhe Qyteti i Shkupit pastruan mbi 120 deponi në Shkup, Qyteti vendosi komunikim intensiv me qytetarët, filloi rikonstruksioni i 10 bulevardeve në Shkup, u vu në funksion teleferiku deri në majën e Vodnos, çdo denarë përdoret për shërbime efikase për qytetarët. 32 mijë euro të destinuara nga Shilegovi dhe LSDM për të ngrënë dhe pirë nëpër kafeteri, kryetarja e Qytetit të Shkupit, Danela Arsovska, i ridestinoi për ushqim falas për qytetarët nga kategoritë e rrezikuara sociale.

Muajve të kaluar janë dokumentuar skandale korruptive dhe keqpërdorime të udhëheqësisë së mëparshme të Qytetit të Shkupit, kryesuar nga Shilegovi dhe drejtorët që ai i ka emëruar, për të cilët LSDM po përpiqet ta mbulojë turpin e tyre me sulme, fyerje dhe manipulime.