Rojet komunale të Qytetit të Shkupit në vazhdimësi po bëjnë kontrolle në terren, ku javën e kaluar janë shqiptuar 19 gjoba për shkelje të Ligjit për Pastërti Publike.

Rojet komunale sanksionojnë qytetarët e pandërgjegjshëm për shkelje të tilla si hedhja dhe lënia e mbetjeve ndërtimore, hedhja dhe lënia e letrave, bishtave të cigareve, ambalazheve dhe mbetjeve të tjera, hedhja e sendeve të vjetra shtëpiake dhe mbetjeve nga kryerja e aktiviteteve, shitja dhe ekspozimi i produkteve bujqësore dhe industriale. Aktivitetet u zhvilluan në komunat Qendër, Karposh, Aerodrom, ndërsa ekipe shtesë veprojnë në Vodno dhe lokacione të tjera.