Në seancën e ardhshme të Këshillit të Qytetit të Shkupit, do të rishikohet raporti gjashtëmujor i punës së NP "Parkingu i Qytetit" për periudhën nga 01.01.2020 deri në 30.06.2020, që shënon ulje të të ardhurave në krahasim me të njëjtën periudhë të vitit të kaluar.

Bilanci i suksesit për periudhën nga 1 janari deri më 30 qershor tregon se të ardhurat e ndërmarrjes janë ulur me gati 30% në krahasim me të njëjtën periudhë të vitit të kaluar. Ulja e të ardhurave në masë të madhe është për shkak të rënies së të ardhurave  operative - të ardhurat nga parkimi dhe të ardhurat nga largimi i automjeteve të parkuara në mënyrë të parregullt si rezultat i krizës shëndetësore e shkaktuar nga virusi Covid19.

Gjatë periudhës së gjendjes së jashtëzakonshme, parkingjet funksiononin me më pak punë, dhe e njëjta gjë ndodhi edhe me shërbimin merimangë.

NP "Parkingu i Qytetit" në kohë dhe plotësisht e ka kryer pagesën e obligimeve tatimore ndaj shtetit, pagat e punonjësve dhe detyrimeve ndaj furnizuesve.

Raporti gjashtëmujor i punës së NP "Parkingu i Qytetit" do të rishikohet në seancën pesëdhjetë e tretë të Këshillit të Qytetit të Shkupit, që është caktuar për 28 korrik 2020, të martën. Edhe kjo seancë e Këshillit do të mbahet gjithashtu përmes lidhjes konferenciale.