Në suaza të fazës së dytë të fushatës për promovimin e arsimit të mesëm profesional "Mëso zgjuarësisht, puno profesionalisht" e cila synon që nxënësit e shkollave të mesme të njihen me perspektivat dhe mundësitë e ofruara nga ky lloj arsimi, Kryetari Petre Shilegov dhe Ministrja e Arsimit dhe Shkencës, Milla Carovska, sot vizituan shkollën e mesme të Qytetit të Shkupit "Vllado Tasevski".

- Jam i kënaqur që jam këtu në shkollën e mesme më të mirë, më të digjitalizuar dhe më të pajisur në Maqedoni "Vllado Tasevski", e cila tashmë 60 vjet është pjesë e procesit arsimor në vendin tonë, në kuadër të ditëve të hapura të shkollës. Qëllimi ynë është të promovojmë mësimin dual. Në vitin shkollor 2021/2022, do të hapen 25 klasa në 11 shkolla të mesme në qytetin tonë, të cilat nën moton "Mëso zgjuarësisht, puno profesionalisht" u mundësojnë nxënësve të shkollave të mesme që në vetë procesin arsimor të marrin aftësi të mjaftueshme profesionale. Bëhet fjalë për prodhimin e kuadrit në tregun e punës që janë seriozisht deficitar. Që nga fillimi, ata që do të zgjedhin mësimin dual bëhen bursistë të kompanive që janë bashkëpunëtorë të Ministrisë së Arsimit dhe Shkencës dhe Qytetit të Shkupit dhe përmes bursës, respektivisht profesionalizimit, nxënësve u garantohet punësim menjëherë pas diplomimit. Në këtë mënyrë ne duam të inkurajojmë të rinjtë në Shkup që të arsimohen profesionalisht për të qenë konkurrues në tregun e punës dhe në punë të paguara mirë - tha sot kryetari Shilegov.

Ai i ftoi përfaqësuesit e medieve ta vizitojnë shkollën "Vllado Tasevski" dhe të dëshmojnë se si në tre vitet e fundit Qyteti i Shkupit arriti ta rinovojë plotësisht dhe të sigurojë klasat më të mira dhe më digjitale në vend, me çka takohen mënyra multimediale e mësimdhënies, gjegjësisht digjitalizimi i mësimdhënies.

- Shkupi është qytet modern, evropian. Këto janë standardet për të cilat unë angazhohem, këto janë standardet që bashkëpunëtorët e mi i implementojnë. Në këtë shkollë ka dy kompani shkollore, ne gjithashtu stimulojmë sipërmarrjen. Ju ftoj të bëheni përdorues të shërbimeve të këtyre kompanive që nuk janë profitabile, por mesazhet që ata dërgojnë janë ekologjike, të digjitalizuar dhe kanë mbështetje të madhe si nga shkolla ashtu edhe nga Qyteti i Shkupit. Ju bëj thirrje që të promovoni diçka që është në fillimet e saj në procesin arsimor në vendin tonë, për të ndihmuar të gjithë këta fëmijë të mrekullueshëm që vullnetarisht bëjnë këtë punë, që të promovohen në publik në mënyrë që ta lëvizim këtë proces në shkollat ​​e tjera në Maqedoni - tha Shilegov.

Sipas ministres Carovska, që në një shkollë të ketë atmosferë të mirë pune, është e rëndësishme që të ketë mësues të përgatitur, programe të mira, infrastrukturë dhe pajisje cilësore të shkollës, dhe në këtë shkollë të tre elementët janë të plotësuar.

- Mesazhi im kryesor për nxënësit e klasave të nënta që tani kërkojnë një vend ku do të regjistrohen,  është të zgjedhin profesionet e ofruara nga kjo shkollë, sepse shkolla jo vetëm që na specializon në punën që duhet të bëjmë, por gjithashtu na ndërton si njerëz që duhet të jenë produktiv dhe për të zhvilluar dhe lëvizur ekonominë në vendin tonë - tha Carovska.

Në shkollën e mesme "Vllado Tasevski" sot u vendosën stendat ku nxënësit dhe mësimdhënësit kompetentë në këtë profesion i promovuan drejtimet arsimore dhe profile që ofrohen si mundësi për regjistrimin e nxënësve në vitin e parë të arsimit të mesëm profesional. Qëllimi i ditëve të hapura është të rrisë ndërgjegjësimin për përparësitë e  arsimit të mesëm profesional, të promovojë drejtimet dhe profilet arsimore të ofruara nga këto shkolla, të ndryshojë perceptimin e arsimit profesional, të promovojë mundësitë e bursave, si dhe mundësinë për praktikën dhe punësimin pas mbarimit të shkollës së mesme.