Qyteti i Shkupit njofton qytetarët se të dielën dhe të hënën në orët e hershme të mëngjesit është kryer faza e parë e dezinsektimit me aeroplan kundër formave të rritura mushkonjave në territorin e Qytetit të Shkupit, në një sipërfaqe totale prej rreth 15.000 hektarë.

Dezinsektimi me aeroplanë ka përfshirë zonat urbane dhe lagjet periferike, të cilat me kënetat e tyre janë mjedisi natyror i mushkonjave.

Dezinsektimi tokësor kundër mushkonjave të rritura është duke vijuar, i cili filloi të hënën dhe do të realizohet deri të premten.

Rikujtojmë se këtë vit Qyteti i Shkupit kreu 2 dezinsektime me aeroplanë dhe 2 dezinsektime tokësore në territorin e qytetit të Shkupit kundër larvave të mushkonjave.