Nesër, në seancën e gjashtëdhjetë e tretë, Këshilli i Qytetit të Shkupit do të vendosë për dhurimin e një automjeti zjarrfikës dhe dy pajisje të lëvizshme zjarrfikëse për shoqatën ECO FAP nga Ohri. Kjo shoqatë vepron vullnetarisht dhe organizon aksione ekologjike për pastrimin e deponive ilegale në qytetin e Ohrit dhe zonën përreth. Gjithashtu organizon pjesëmarrje vetëiniciuese në shuarjen e zjarreve, ndihmë për popullatën në rast fatkeqësish natyrore, si dhe ofrimin e ndihmës për familjet e rrezikuara sociale.

Përmes dhurimit të automjetit, ECO FAP do të ketë mundësinë të zgjerojë aktivitetet e tij. Qëllimi është t'u përgjigjemi në mënyrë optimale sfidave të pastrimit të deponive ilegale në brigjet e Liqenit të Ohrit dhe në Parkun Nacional Galiçica.

Nga ana tjetër, grykat lëvizëse zjarrfikëse do të përdoren për të pajisur një varkë zjarrfikëse në kuadër të shoqatës.

Propozimi për dhënien e një donacioni për shoqatën ekologjike nga Ohri është në përputhje me politikat e Qytetit të Shkupit për mbrojtjen e mjedisit jetësor dhe përmirësimin e cilësisë së jetës së qytetarëve. Qyteti vlerëson dhe mirëpret iniciativën e kësaj shoqate dhe, përmes këtij bashkëpunimi, dëshiron të motivojë aksione të ngjashme që do të kontribuojnë në zhvillimin e të gjitha komunave, bashkëpunimin e përbashkët dhe aktivizimin e organizatave të organizatave qytetare.

Sektori për Mbrojtje dhe Shpëtim i  Qytetit të Shkupit nuk ka më nevojë për pajisjen e cila do të dhurohet, dhe është ç’shkruar tashmë në regjistrimin përfundimtar për vitin 2020.