Inspektorët e trafikut rrugor të Qytetit të Shkupit kryejnë kontrolle të rregullta me qëllim parandalimin e transportuesve të paligjshëm në territorin e qytetit dhe gjatë muajit të kaluar u kontrolluan 18 transportues prej të cilëve për 6 prej tyre janë shqiptuar gjoba.

Në të njëjtën kohë Inspektorati i Qytetit të Shkupit javën e kaluar kreu inspektime të përforcuara në terren për respektimin e rregullit komunal dhe pastërtisë publike, dhe janë shqiptar 3 gjoba për shkelje të Ligjit për Pastërti publike.

Qyteti i Shkupit vazhdon me mbikëqyrjen e përforcuar inspektuese për të mundësuar respektimin e dispozitave, ndërsa Inspektorati vazhdon me kontrolle të intensifikuara në hapësirat publike. Do të sanksionohen pa dallim të gjithë ata që nuk respektojnë ligjin, ndotin mjedisin dhe kërcënojnë shëndetin e qytetarëve.