Me asfaltimin përfundimtar të korsisë të fundit, projekti për rindërtimin e bulevardit "Aradhat Partizane" hyn në fazën përfundimtare.

Asfaltimi i pjesës së fundit, nga QT “Antiko” deri te ura “Kombet e Bashkuara” (në drejtim nga Qendra drejt Vllaes) filloi gjatë mbrëmjes dhe asfaltimi i pjesës së mbetur do të përfundojë sot. Punimet finale ndërtimore duhet të kryhen gjatë ditëve në vijim, ku dhe do të vendoset sinjalizimi adekuat vertikal dhe horizontal i trafikut.

Asfaltimi është realizuar në kuadër të projektit për rikonstruksionin e një pjese të bulevardit "Aradhat Partizane", në pjesën e kryqëzimit me bulevardin "8 Shtatori" deri tek ura “Kombet e Bashkuara” në gjatësi prej rreth dy kilometra.

Me këtë projekt u zëvendësua plotësisht asfalti në sipërfaqe prej rreth 47.000 metra katrorë, ndërsa në stacionet e autobusëve është bërë konstruksion plotësisht i ri. Për realizimin e këtij projekti kapital, Qyteti i Shkupit ndau rreth 69 milion denarë.