Ylli i muzikor ballkanik, Dino Merlin, nesër në mbrëmje do të argëtojë banorët e Shkupit, si dhe të gjithë mysafirët nga vendi dhe rajoni, të cilët do ta presin Vitin e Ri 2020 në Sheshin “Maqedonia”. Qyteti i Shkupit së bashku me Dino Merlinin për të gjithë vizitorët do të ofrojnë shfaqje spektakolare dhe unike që do të kujtohet ndër vite. 

Qyteti i Shkupit Ju fton në pritjen e madhe të Vitit të Ri në zemër të Shkupit. Ahengun, nesër në mbrëmje do ta hapin grupet muzikore “Gypsy Groove” dhe “Superhiks” duke filluar nga ora 20:30, ndërsa numërimin deri në Vitin e Ri do ta bëjmë me shfaqjen muzikore spektakolare të yllit rajonal Dino Merlin. 

Ejani të argëtohemi së bashku,dhe në disponim të mirë t'i dëshirojmë mirëseardhje Vitit të Ri 2020.