Këshilli i Qytetit të Shkupit në seancën e sotme e ka miratuar vendimin për blerjen e 3 automjeteve me të cilat do të përmirësohet dukshëm pajisja teknike dhe modernizimi i brigadës zjarrfikëse të Qytetit të Shkupit. Me vendimin e parë miratohet furnizimi i dy automjeteve zjarrfikëse – autocisternë. Cisternat do të kenë kapacitet prej më së paku 7.000 litra.

Duke pasë parasysh nevojën për sigurimin e pajisjeve themelore për funksionimin normal të Njësisë Territoriale Zjarrfikëse të Qytetit të Shkupit, Këshilli i Qytetit të Shkupit miratoi edhe blerjen e një automjeti zjarrfikës. Ky automjet është i nevojshëm për funksionimin e përditshëm të njësisë, veçanërisht në rast zjarresh në mjediset urbane. I njëjti do të ketë kapacitet prej të paktën 4000 litra ujë.

Përveç automjeteve u miratua edhe vendimi për blerjen e pompës për automjet të terrenit me presion të lartë, për shuarjen e zjarreve më të vogla, dhe zjarre në ambiente të hapura.