Kryetarja e Qytetit të Shkupit, Danela Arsovska ,sot në teren mbikëqyri gjendjen e rrugëve dhe bulevardeve nën kompetenca të Qytetit të Shkupit.

Arsovska sot së bashku me drejtorin e NP “Rrugë dhe rrugica” Boris Nastov, drejtorin e NP “Higjiena Komunale”, Zudi Enuzi, drejtorin e “Parqe dhe Gjelbërime”Angele Sotirovski, e koordinuan aksionin e shërbimeve për pastrimin e rrugëve dhe bulevardet në tërë kryeqytetin.

U mbikëqyr gjendja e bulevardeve kryesore, të cilat janë të kaleshme, ndërsa që nga orët e mbrëmjes dje dhe herët sot në mëngjes ka vazhduar aksioni i pastrimit intensiv.

Rrugët dhe bulevardet janë të kalueshme, të gjitha ndërmarrjet publike dhe shërbimet dimërore po punojnë intensivisht për pastrimin e sipërfaqeve nga reshjet e dendura të borës.