- Në periudhën e kaluar jemi përkushtuar fuqishëm për analiza të nevojshme, riorganizim në administratë dhe mobilizimin e kuadrove cilësore që do të përballen me sfidat, gjegjësisht që do të jenë të përkushtuar për realizimin e projekteve nga programi për Shkupin modern. Prandaj, sot me kënaqësi mund të konstatoj se jemi të konsoliduar dhe po fillojmë me realizimin e projekteve nga programi im për Shkupin modern, tha kryetarja e Qytetit të Shkupit, Danela Arsovska në konferencën e sotme për media.

Arsovska paralajmëroi fillimin e projekteve nga programi me afate për realizim në tri faza deri në fund të gushtit të këtij viti. Ndërtimi, rikonstruksioni dhe asfaltimi i rrugëve dhe bulevardeve, kanalizimi i ujërave të zeza dhe atmosferike, sipërfaqet e reja të gjelbra janë pjesë e projekteve në të cilat qyteti do të punojë intensivisht në periudhën e ardhshme.

- Faza e parë e zbatimit është deri më 30.06.2022. Në këtë periudhë janë parashikuar këto investime. Fillon rikonstruksioni i më shumë se njëzet rrugëve në komunën e Gjorçe Petrovit, si vijon: Në fshatin Volkovë - rruga 83, rruga 100, dega e djathtë, rruga 73, rruga 3, rruga 74, rruga 78, rruga 80 - Përzhinë, rruga 81. - dega 1, 2, 3 majtas, rruga 81 - dega 4 djathtas. Në Kisela Jabuka - rrugët 4, 6, degëzimet e rrugëve 46 dhe 46a dhe rruga 68, rruga 10, rruga 34. rr. “Anton Keçkarov” në lagjen Dame Gruev. Në fshatin Novoselë, dega e majtë te shkolla, degët e rrugëve 4 dhe 2, rruga 52, dega e djathtë në lagjen Stopanski Dvor. Fillon ndërtimi i mega parkut në Gjorçe Petrov, një nga 5 të premtuarit e programit. Rikonstruksioni i bul. “Teodosij Gologanov”. Përfundimi i rikonstruksionit të rr. “Eseninova” qëka filluar në vitin 2020, dhe është trashëguar me probleme të shumta. Përfundimi i punimeve në rr. “Vasko Karangeleski” ku me përpjekje të mëdha arritëm që me kërkesë të qytetarëve ta ruajmë rreshtin e pemëve qindravjeçare, 100 drurë që me projektin e filluar nga udhëheqja e mëparshme duhej të priteshin, potencoi Arsovska. Fazs e dytë e realizimit të projekteve nga programi për Shkupin modern, sipas Arsovskës, është parashikuar të fillojë më 1 korrik dhe pjesë e projekteve kryesore në këtë fazë janë rikonstruksioni i rrugëve “Butelska”, “Pero Nakov”, “Ruzveltova”, “Dimo ​​Haxhi Dimov”, “Skoevska” dhe “Slavka Dinkova”. Arsovska paralajmëroi edhe vazhdimin e aktiviteteve ndërtimore të Sallës Universale.

- Kanë përfunduar të gjitha procedurat dhe pas 12 vitesh po rikonstruktohet rruga “Butelska” si dhe rruga “Pero Nakov” e harruar për dekada me radhë. Fillon rindërtimi i kanalizimit të ujërave të zeza në lagjen Gradinar në Kisela Voda. Fillon realizimi i projektit për ndërtimin, rikonstruksionin dhe mbulimin e kanalit Usjanski. Kemi zgjidhje të re teknike për Sallën Universale dhe punimet në objekt do të vazhdojnë me intensitet më të madh, shtoi kryetarja Arsovska.

Faza e tretë me plan realizimi nga 1 deri më 31 gusht të këtij viti, përfshin rikonstruksionin e rrugëve “Kuzman Josifovski Pitu”, “Pero Nakov”, si dhe rikonstruksionin e gjashtë këndeve të lojërave në Saraj, si dhe dy këndeve të lojërave në shkollat ​​e mesme të qytetit të Shkupit.