Kryetarja e Qytetit të Shkupit, Danela Arsovska, pas mbajtjes së seancave të sotme të Këshillit të Qytetit të Shkupit, në të cilat u morën vendime të shumta për projekte të reja në qytetin e Shkupit, theksoi se do të vijojnë  projekte të reja për shkupjanët në interes të të gjithë qytetarëve, gjë që do të thotë zhvillim i balancuar në të gjitha lagjet.

„Propozimet të cilat i depozitova pranë Këshillit të Qytetit të Shkupit u miratuan në seancën e sotme, gjë pas së cilës do të vijojnë projekte të reja në interes të shkupjanëve: 

-Investojmë në ndërtimin e rrugëve të reja në vendbanimin Usje, në komunën Kisela Voda;

-Do të vendoset linjë e re autobusi 2B nga Çento deri në Saraj;

-Për herë të parë Qyteti i Shkupit subvencionon trotinete elektrike dhe biçikleta për të rinj deri në moshën 29 vjeç;

- Fillojmë me realizimin e projektit për sistemin e furnizimit me ujë të pijshëm për Rashçen, Kopanicën, Bojanën, Bukoviqin dhe Laskarcën;

-Do të rikonstruktojmë 6 terrene sportive në parkun në Saraj;

-Do të rikonstruktojmë rrugën “Hristofer Zhefaroviq” në Komunën Gazi Baba;

-Vijon ndërtimi i infrastrukturës së re në komunën Shuto Orizare në degën 18 në rrugën “Brigada Maqedonase-Kosovare” “ – shkroi kryetarja Arsovska.

 

Ajo po ashtu theksoi se qëllimi kryesor i projekteve të reja të qytetit është që në Shkup të mos ketë më vendbanime të harruara, por qyteti të zhvillohet në mënyrë të balancuar, me realizimin e projekteve në zonat urbane dhe rurale.