Me propozim të kryetares së Qytetit të Shkupit, Danela Arsovska, Këshilli i Qytetit të Shkupit në seancën e sotme miratoi vendimin për vendosjen e bashkëpunimit ndërkomunal ndërmjet Qytetit të Shkupit dhe Komunës së Sarajit për rikonstruksionin e terreneve sportive në parkun e Sarajit.

Projekti parashikon rikonstruksionin e 6 terreneve sportive në suazat e parkut të Sarajit, ndërsa punimet në terren do të kryhen nga NP “Rrugë dhe Rrugica”.

Ky projekt po realizohet me kërkesë të qytetarëve dhe me realizimin e tij do të mundësohet që të gjithë vizitorët e parkut në Saraj të mund të relaksohen në terrene sportive tërësisht të rikonstruktuara.

Me këtë projekt do të rikthehet shkëlqimi i një prej vendeve më të vjetra për piknik në Shkup, i cili është ndërtuar në vitin 1948 dhe ka një sipërfaqe prej 240.000 metrash katrorë.