Arsovska theksoi se rikonstruksioni i rrugës “Hristofer Zhefaroviq” është i domosdoshëm për të mundësuar lëvizjen e sigurt të të gjithë pjesëmarrësve në komunikacion.

- Para disa muajsh pata rastin që në vendbanimin Singeliq, së bashku me qytetarët e komunitetit lokal të vizitoj rrugën “Hristofer Zhefaroviq”, e cila është në një gjendje katastrofike. Ajo jo vetëm që është e paasfaltuar dhe e gërmuar, por përbën prioritet dhe prandaj i duhet kushtuar vëmendje që lëvizja e qytetarëve në trafikun rrugor në atë segment të jetë e sigurt. Me këtë vendim plotësojmë kërkesat e qytetarëve për rikonstruksionin e rrugës “Hristofer Zhefaroviq”. Është jashtëzakonisht e rëndësishme që të arrihet zhvillim i balancuar në pjesët urbane dhe rurale të Shkupit, dhe në të njëjtën kohë të përpiqemi të ndihmojmë komunat e Shkupit - theksoi Arsovska.

Sipas vendimit të Këshillit të Qytetit të Shkupit, vlera e parashikuar për realizimin e këtij bashkëpunimi ndërkomunal është 7.800.000 denarë me TVSH, ndërsa punët ndërtimore në terren do t'i kryejë NP “Rrugë dhe Rrugica”.