Qyteti i Shkupit Ju fton në një shoqërim të ri filmo-muzikor falas, që do të mbahet nesër (19.08.2023, e shtunë) në orën 20:30, në lokacionin e njohur afër liqenit, në pjesën e parë të Parkut të qytetit.

Programi argëtues fillon në orën 20:30 me shfaqjen e filmit "Homo" ("Only human") me regji të Igor Ivanovit. Më pas vijon pjesa muzikore me performancën e Mirko Popovit nga ora 22:00 dhe setin e Violeta Kaçakovës nga ora 23:30.

Ky shoqërim filmo-muzikor për herë të parë u mbajt të shtunën e kaluar nën organizimin e Qytetit të Shkupit, QRK-së dhe Sallës Universale, ndërsa me rastin e Ditës Ndërkombëtare të Rinisë do të vazhdojë të organizohet çdo të shtunë deri në mesin e muajit shtator. Vizitorët do të kenë një mundësi të shkëlqyer për t’u shoqëruar dhe argëtuar në natyrë në mbrëmjet e ngrohta të verës në destinacionin e preferuar të shkupjanëve, Parkun e qytetit.

Manifestimi është pasurim i ofertës kulturore të Qytetit të Shkupit për qytetarët e tij dhe për të gjithë vizitorët në suazat e kandidaturës për “Shkupi - Kryeqyteti i Kulturës Evropiane 2028”.