Kryetarja e Qytetit të Shkupit, Danela Arsovska, me rastin e suksesit të madh, në Kampionatin Evropian në basketboll për shkollat e mesme, në një pritje të organizuar për nder të basketbollistëve të rinj të SHMQSH "Nikolla Karev" u ndau atyre shpërblime në të holla dhe i përgëzoi për suksesin e madh.

Duke i ndarë shpërblimet, ajo e theksoi mbështetjen e Qytetit të Shkupit për sportin e shkollave të mesme përmes programeve, projekteve, bursave, ngjarjeve dhe aktiviteteve, që nxisin në mënyrë aktive zhvillimin e sportit tek të rinjtë, të cilët me sukseset e tyre afirmojnë qytetin.

Kampionati evropian në basketboll për shkollat e mesme u mbajt nga data 11 deri më 16 qershor 2023, ndërkaq morën pjesë mbi 200 nxënës të shkollave të mesme. Ekipi i shkollës së mesme të Qytetit të Shkupit “Nikola Karev” mposhti në finale ekipin çek, duke fituar medalje të artë dhe titullin Kampion i Evropës në basketboll për vitin 2023.