Përfundoi ndërtimi i rrugës “Eseninova”, e cila përbën një lidhje të re komunikacioni ndërmjet komunave Aerodrom dhe Kisela Voda.

Rruga e re lidh bulevardet “Boris Trajkovski” dhe “Brigada e Tretë Maqedonase” dhe me të do të zvogëlohet kaosi në trafikun rrugor që krijohet në kryqëzimin te “Kombinati i Duhanit”.

Gjithashtu, u ndërtua edhe rrjet i ri ujësjellësi dhe kanalizimi, u vendos ndriçimi rrugor dhe u ndërtuan sisteme të reja pusesh nëntokësore që janë në funksion me rezervuar, stacion pompimi dhe lidhje me rrjetin hidrant.

Paralelisht me punët ndërtimore u ndërtuan gardhe mbrojtëse dhe në kryqëzim u vendos sinjalizimi i ri ndriçues dhe shënjimi përkatës i sinjalizimit horizontal të rrugëve.