Ekipet e Qytetit të Shkupit dhe NP “Rrugë dhe rrugica” vazhdojnë me aktivitetet për rikonstruksionin e shtigjeve për këmbësorë në Parkun e qytetit. Sot në terren po asfaltohen shtigjet e këmbësorëve prapa Luna Parkut.

Shtigjet janë në gjatësi prej 110 metra  dhe 6.5 metra të gjera, me sipërfaqe totale prej rreth 710 metra katrorë.

Rikonstruksioni i shtigjeve të këmbësorëve në Parkun e qytetit në sipërfaqe totale prej 9 000 metrash katrorë është realizuar në faza, ndërsa deri më tani janë rikonstruktuar tërësisht 7500 metra katrorë. Numër i madh i shtigjeve tashmë janë rikonstruktuar dhe asfaltuar tërësisht dhe qytetarët mund t'i shfrytëzojnë për shëtitje dhe rekreacion.