Ekipet e NP “Rrugë dhe rrugica” me urdhër të Qytetit të Shkupit këto ditë po vendosin shtylla mbrojtëse në bulevardin Brigada e tretë maqedonase. Shtyllat vendosen për të parandaluar parkimin e parregullt të automjeteve nëpër shtigjet për këmbësorë dhe të biçikletave, si dhe në hyrjet e rrugëve përreth.

Deri më tani janë vendosur rreth 100 shtylla mbrojtëse në ishujt për këmbësorë dhe në hyrjet e rrugëve lidhëse në bulevardin Brigada e tretë maqedonase, si dhe në drejtim të rrugës Vasko Karangelevski.

Sipas planit për punë, ekipet e NP “Rrugë dhe rrugica” në periudhën e ardhshme do të vazhdojnë vendosjen e shtyllave mbrojtëse përgjatë bulevardit në të gjitha vendet ku do të ketë nevojë për rritjen e sigurisë së të gjithë pjesëmarrësve në trafik.