Kryetarja e Qytetit të Shkupit, Danela Arsovska, sot inspektoi dhe promovoi rrugën e rikonstruktuar “Nikola Karev”, nga kryqëzimi me bulevardin “Kuzman Josifovski Pitu” deri në kryqëzimin me rrugën “Gjuro Gjonoviq”.

- Vetëm një javë pas fillimit të punëve ndërtimore rruga “Nikola Karev” në qendër të Shkupit, e cila ishte në gjendje të keqe, u rikonstruktua tërësisht. Punuam me dinamikë të përshpejtuar për të shmangur bllokimin e trafikut në këtë pjesë të qytetit, duke pasur parasysh faktin se është një rrugë me fluks të madh që lidh disa rrugë kryesore dhe ndodhet në afërsi të Stacionit të autobusëve ndërqytetës dhe Stacionit hekurudhor. Me realizimin e këtij projekti realizojmë edhe një premtim nga programi “Për Shkupin Modern”, sepse nevojat e qytetarëve janë prioriteti ynë – theksoi kryetarja Arsovska.

Në rrugën “Nikola Karev” u krye rikonstruksioni i rrugës automobilistike në një sipërfaqe prej 3.800 metrash katrorë, u niveluan pusetat dhe u vendos sinjalistika horizontale dhe vertikale. Punët ndërtimore u kryen nga ekipet e ndërmarrjes publike “Rrugë dhe Rrugica” Shkup.