ПРОМОВИРАНО ЕДНО ОД НАЈМАРКАТНИТЕ ДЕЛА ОД ОБЛАСТА НА УРБАНИЗМОТ НА ЈАН ГЕЛ

19.09.2018 <p>Претседателката на Советот на Град Скопје, Љубица Јанчева, заедно со претседателот на Комората на овластени архитекти и овластени инженери на Република Македонија, Миле Димитровски и амбасадорот на Данска, В.Е Андерс Хоугард, денеска присуствуваа на промоција на книгата Градови за луѓе од професорот Јан Гел, една од најмаркантните светски дела од областа на урбанизмот.</p>

ГРАД СКОПЈЕ ПОСТАВИ ДИГИТАЛНИ МЕРАЧИ НА БРЗИНА ЗА ПОГОЛЕМА БЕЗБЕДНОСТ ВО СООБРАЌАЈОТ

19.09.2018 <p>За да се зголеми безбедноста во сообраќајот и да се намали бројот на сообраќајни незгоди Градот Скопје постави дигитални мерачи на брзина пред средните училишта „Јосип Броз Тито“, „Панче Караѓозов“, „Здравко Цветковски, „Марија Кири Склодовска“ и „Боро Петрушевски“. На денешната промоција на дигиталните мерачи кои се донација од компанијата „Сава осигурување“ присуствуваше градоначалникот Шилегов.</p>

„ВОДОВОД“ СО ЗГОЛЕМЕНИ ПРИХОДИ И НАМАЛЕНИ РАСХОДИ СПОРЕДЕНО СО МИНАТАТА ГОДИНА

19.09.2018 <p>Екипите на ЈП „Водовод и канализација“ во првите шест месеци од 2018 година имале 8.547 интервенции на водоводната мрежа во градот, односно ја реконструирале водоводната мрежа или изградиле нова мрежа на 33 делници во градот, санирале дефекти на водоводните линии, менувале водомери и други зафати.</p>

ВО ТЕК Е КОНКУРСОТ ЗА ДОДЕЛУВАЊЕ НА НАГРАДАТА 13 НОЕМВРИ

19.09.2018 <p>Одборот за доделување на Наградата „13 Ноември“ на Град Скопје во јуни го распиша Конкурсот за доделување на оваа награда за 2018 година. Ги потсетуваме граѓаните дека Конкурсот е во тек и пријавите за Наградата со образложение и кратка биографија се поднесуваат до Одборот за доделување на наградата заклучно со 10 септември 2018 година, (архива–барака број 16 на Град Скопје, бул.„Илинден“ бр. 82, Градски парк).</p>

ОГРОМЕН ИНТЕРЕС НА ГРАЃАНСКИТЕ ЗДРУЖЕНИЈА ЗА ЈАВНАТА ДЕБАТА ЗА ГАСОВОДОТ НА ВОДНО

19.09.2018 <p>Голем број граѓани и граѓански здруженија денеска присуствуваа и учествуваа во јавната дебата што ја организира Градот Скопје во врска со изградбата на гасоводот на Водно. Дебатата имаше за цел да помогне во расветлувањето на многубројните дилеми и прашања за овој проект што се појавија во јавноста и кои предизвикаа загриженост кај граѓаните и кај здруженијата за заштита на средината.</p>

СУГС „САРАЈ“ ЌЕ ДОБИЕ УЧИЛИШНА СПОРТСКА САЛА

19.09.2018 <p>Средното училиште на Град Скопје „Сарај“ ќе има нова училишна спортска сала во која ќе се изведува наставата по физичко образование. На почетокот на изградбата на новиот спортски објект денеска присуствуваа градоначалникот Шилегов, премиерот Зоран Заев, министерот за образование Арбер Адеми, градоначалникот на Општина Сарај, Блерим Беџети и претседателот на ДУИ, Али Ахмети.</p>

СО ПРОМОЦИЈА НА ОДРЖЛИВА ТУРИСТИЧКА ТУРА ДО МАТКА ПРОДОЛЖИ ЕВРОПСКАТА НЕДЕЛА НА МОБИЛНОСТ 2018

18.09.2018 <p>За ученици и професори од СУГС „Раде Јовчевски Корчагин“ денеска се одржа промоција на одржлива туристичка тура до Матка – со автобус, изнајмување велосипед, посета на Музејот на ЕВН на Матка и на црквата „Свети Андреа“, туристичко возење по езерото со кајче и разгледување на кањонот и враќање кон Скопје повторно со автобус. Турата беше дел од активностите на Град Скопје за одбележување на Европската недела на мобилност 2018.</p>

РЕАКЦИЈА

18.09.2018 <p>Стручните служби на Град Скопје ќе ја разгледаат иницијативата поднесена од Општина Аеродром за изнаоѓање ново сообраќајно решение на булеварот Србија и во соработка со Министерството за внатрешни работи, во рамките на законските можности, ќе го понудат најдоброто и најбезбедното решение за овој долгогодишен проблем.</p>

ПИВОЛЕНД ПРЕРАСНУВА ВО „SKOPJE BEER FEST“

17.09.2018 <p>Оваа година традиционалниот „Гурмански викенд во Скопје – Пиволенд“ со нов концепт, ново интернационално име „Skopje Beer Fest“, нова локација, како и нови културно забавни содржини за љубителите на пивото.</p>

УЛИЦАТА КАЈ ГРАДСКИ СТАДИОН ЌЕ ГО НОСИ ИМЕТО УЛИЦА СТОЛТЕНБЕРГОВА

17.09.2018 <p>Во знак на благодарност на Град Скопје и на скопјани за несебичната помош на норвешкиот дипломат Торвалд Столтенберг по катастрофалниот скопски земјотрес од 1963 година, улицата што ги поврзува Градскиот парк, Градскиот стадион и кејот на реката Вардар ќе го носи името “Улица Столтенбергова”.</p>

УНИВЕРЗАЛНА САЛА СЕ ВРАЌА НА ГРАДОТ

17.09.2018 <p>Градоначалникот Шилегов и министерот за култура Роберт Алаѓозовски денеска потпишаа Писмо за намери преку кое се дефинираат активностите за унапредување на културата на подрачјето на Град Скопје преку заедничко финансирање на изградбата на Универзална сала.</p>

ШИЛЕГОВ: ПРЕКИНИТЕ ВО ВОДОСНАБДУВАЊЕТО ВО АЕРОДРОМ ЌЕ БИДАТ МИНАТО ЗА НЕГОВИТЕ ГРАЃАНИ

17.09.2018 <p>Градоначалникот Шилегов и директорот на ЈП „Водовод и канализација“, Душко Весковски денеска извршија увид во градежните работи за поставување вововодна цевка што ќе ги реши проблемите со водоснабдувањето во Аеродром.</p>

УШТЕ ДВЕ КИНОПРОЕКЦИИ НА ОТВОРЕНО ВО ГРАДСКИОТ ПАРК

17.09.2018 <p>Во рамките на септемвриското издание на концептот Градски летен парк се вклучува и фестивалот на европски филм, CINEDAYS, во организација на Младинскиот културен центар. Како најава за неговото 17. издание, МКЦ повторно организира бесплатни филмски вечери преку Кино на отворено.</p>

ЗАПОЧНА РЕКОНСТРУКЦИЈАТА НА БУЛЕВАРОТ ПАРТИЗАНСКИ ОДРЕДИ ВО ВЛАЕ

17.09.2018 <p>Денеска започнаа градежните работи за реконструкција на булеварот „Партизански одреди“ во населбата Влае во Карпош. На почетокот на градежните работи присуствуваше градоначалникот Шилегов.</p>

ВНАТРЕШНА КОНТРОЛА ЗА ПОЕФИКАСНА ГРАДСКА АДМИНИСТРАЦИЈА

17.09.2018 <p>Најновата реформа во работењето на градската администрација е воведувањето на внатрешна контрола со цел обезбедување поголема ефикасност во работата и подобри и навремени услуги за сите граѓаните на Град Скопје.</p>

ОД УТРЕ ПОЧНУВА ЕВРОПСКАТА НЕДЕЛА НА МОБИЛНОСТ 2018

17.09.2018 <p>Градот Скопје и годинава ќе ја одбележи Европската недела на мобилност 2018 и за граѓаните ќе понуди низа активности посветени на алтернативното и одржливо движење. Во деновите од 16 до 22 септември Градот Скопје ќе организира разновидна програма која е посветена и ќе биде интересна за сите граѓани, од најмладите до највозрасните, како и за јавниот и приватниот сектор.</p>

ГРАД СКОПЈЕ ГИ ПОВИКУВА ГРАЃАНИТЕ ДА ВДОМУВААТ КУЧИЊА ОД „ВАРДАРИШТЕ“

15.09.2018 <p>Град Скопје и стационарот за бездомни животни „Вардариште“ ги информираат и воедно ги повикуваат граѓаните да го посетат стационарот и да вдомат куче.</p>

ШИЛЕГОВ НАЈАВИ ИЗГРАДБА НА НОВ ПАРК ВО МАЛ РИНГ

14.09.2018 <p>Градоначалникот Шилегов во одговор на советничко прашање денеска на седница на Советот на Град Скопје најави уредување и изградба на нов парк на просторот зад објектот на Македонска филхармонија, кој со години беше неуреден.</p>

ГРАД СКОПЈЕ СО ЗДРУЖЕНИ СИЛИ ЈА ПОЧНА ГЕНЕРАЛКАТА НА УЛИЦИТЕ И ПАРКОВИТЕ ВО ЃОРЧЕ ПЕТРОВ

14.09.2018 <p>Градоначалникот Шилегов денеска ја најави големата акција за чистење на Скопје во која јавните претпријатија „Комунална хигиена“ и „Паркови и зеленило“, во соработка со скопските општини, ќе ги чистат сите градски и општински улици, како и парковите.</p>

ГРАД СКОПЈЕ РЕКОНСТРУИРА ГОЛЕМ БРОЈ УЛИЦИ, НА РЕД ДОЈДЕ УЛИЦАТА АЦО ШОПОВ ВО КАРПОШ

14.09.2018 <p>Градоначалникот Шилегов денеска изврши увид во градежните работи за реконструкција на улицата Ацо Шопов, во општината Карпош. На оваа улица веќе се гребе стариот асфалт, ќе се постави порамнителен слој, како и нов асфалтен слој. Оваа реконструкција се одвива на потегот од крстосницата со улицата Марк Твен до кружниот тек кај булеварот Партизански одреди, на должина од 1.088 метри и површина од 8.213 квадратни метри.</p>