Во ЕУ годишно  се собира околу 90 милиони тони отпад од храна, или околу 180 кg по лице. Иако отпадот од храна може да се користи за производството на биогас, кој е обновлив извор на енергија, сè уште 40% од био отпадот во ЕУ завршува на депонија, а во некои земји членки речиси целосно.

Проценето е дека околу една третина од Европските 2020 цели за обновливи извори на енергија во транспортот може да се оствари преку користење на биогас добиен од био отпад и околу 2% од вкупната ЕУ обновлива енергија може да се оствари ако целиот биолошки отпад е претворен во енергија.

Во рамките на проектот, чиј партнер е и Град Скопје, на 22.02.2017 година, претставници од проектниот тим го посетија СУГС Лазар Танев, каде што направи презентација на темата „Храната како ресурс“ и се информираа учениците и наставниот кадар за отпадот од храна и потенцијалните придобивки од правилното управување. На средбата учениците и наставниот кадар покажаа особен интерес и ја поддржаа идејата во иднина да се посвети повеќе внимание на едукацијата и подигнување на свеста кај граѓаните во оваа област. На посетата се презентираа и поделија инфо-материјали кои се користат за поддигнување на свеста кај граѓаните и дисеминација на резултатите од проектот. 

На 23.02.2017 година, во хотелот Мериот, Скопје, Работна група составена од претставници на идентификувани заинтересирани страни, учествуваше на настанот „Презентација на добри практики и успешни приказни во управување со био-отпад“. Претставниците на заинтересираните страни имаа можност да се запознаат со високиот стандард на управување со био-отпад кој го применува хотелот Мериот, Скопје, кој е спроведен согласно со сите меѓународни стандарди и во целосна усогласеност со македонската регулатива. Посетата отвори дискусија која ќе придонесе кон подобро разбирање на потребата од употребата на стандарди на управување со отпад и се разговараше за насоки во подобрување на постојната  регулатива и нејзино усогласување со европската.

БРОШУРА (.pdf)

Повеќе информации поврзани за проектот може да најдете на интернет страницата www.bin2grid.eu.