Соопштение за јавност 04.10.2023

Градоначалничката на Град Скопје, Данела Арсовска, на покана на Форумот на градоначалници на Обединети Нации што се одржува во Женева, Швајцарија, во Палатата на нациите учествува на платформата за размена на искуства и најдобри практики во локалната самоуправа.
Арсовска на покана на Форумот е учесник на два панели и тоа за родова перспектива на предизвиците и визиите за градовите на кој се дискутираше за жените во локалната власт и инклузивноста, со градоначалнички од Велика Британија, Турција, Црна Гора и Шведска, а се разговараше и за искуства со родово базираното насилство, пристапот до образованието и здравствената заштита и одржливото урбано планирање.
Во вториот панел посветен на обнова насочена кон одржливи и отпорни урбани средини, се разменија искуства за проекти за отпорност на градовите и проекти за подобра и почиста животна средина, на која учествуваа градоначалници од Франција, Шведска и Украина.