Град Скопје, кој е дел од  европскиот проект КРЕАРТ (CreArt) што се спроведува преку Мрежата на европски градови за уметничко творештво, упатува честитки до селектираните учесници од Скопје на Европска изложба 2020 - Дарко Алексовски и членовите на ОПА.

Кураторот и селектор на европската изложба, Пиетро Дела Гиустина ја направи следнава селекција на уметници по градови за учество на Европска изложба 2020 година:

- Клермонт -Феран:  Жан Ромео; Валентине Траверс&Сара Вигиер,

- Авеиро:   Родриго Малвар;

- Скопје: Дарко Алексовски; ОПА;

- Ваљадолид: Јорге Пелигро;

- Џенова: Стефано Серета;

- Лече: Серена Граси;

- Каунас: Аисте Амбразевициуте;

- Љубљин: Симон Попиелец;

- Руен: Бернард Полиморфе;

-Загреб: Весна Саламон;

- Ливерпул: Анти Кул;

Третото издание на Европската изложба, насловена „Што ќе се случи ако? Изборот за изградба на алтернативна иднина“, како што веќе беше најавено  ќе се организира во 2020 година во 3 града учесници во проектот CreArt, а нивниот распоред и рута се следните:

- Авеиро (Португалија) од Мај до 28 јуни 2020 година;

- Џенова (Италија) во изложбениот салон на ,,Il Munizioniere inside Palazzo Ducale” од 13 јули до 22 август 2020 година;

- Скопје (Република Северна Македонија) во ЈУ Музеј на Град Скопје, од 25 септември до 30 октомври 2020 година.