Град Скопје во рамки на постапката за изработка на новиот Генерален урбанистички план ГУП 2022–2032 година организира Јавна дискусија со цел вклучување на граѓаните во процесот на планирање и уредување на просторот. 

                                                              

Јавната дискусија за четвртите лоцирани во Општина Ѓорче Петров ќе се одржи на 13 август 2025 година со почеток во 9 часот во салата на Град Скопје барака 13 и тоа за Градска четврт СЗ 11 (од 9 до 10 часот), C3 12 (од 10 до 11 часот), C3 13 (од 11 до 12 часот), и C3 14 (од 12 до 13 часот).

 

Граници на опфат на Градска четврт СЗ 11:

- од север: по граница на ГУП на град Скопје и по осовина на ул “Пат за економија“;

- од исток: по оска на ул “Пат за економија“;

- од југ: по оска на магистрална улица ул “Црногорска“;

- од запад: по оска на автопат Обиколница.

 

Граници на опфат на Градска четврт СЗ 12:

- од запад: по граница на ГУП на град Скопје и по осовина на Обиколница;

- од север: по оска на магистрална улица ул „Црногорска“ и собирна  улица „Ѓорче Петров“;

- од исток: по оска на собирна улица ул “Сарај“;

- од југ: по оска на река Вардар.

 

Граници на опфат на Градска четврт СЗ 13:

- од север: по оска на градска магистрала улица “Црногорска“;

- од југ: по оска на собирна улица “Ѓорче Петров“;

- од исток: по оска на собирна улица “Сремски фронт“;

- од запад: по оска на градска магистрала ул. “Сарај“.

 

Граници на опфат на Градска четврт СЗ 14:

- од север: по оска на градска магистрала – улица “Црногорска“;

- од југ: по оска на собирна улица “Ѓорче Петров“;

- од запад: по оска на собирна улица “Сремски фронт“;

- од исток: по оска на бул. “Македонска војска“.

 

Граѓаните можат да дадат свои предлози мислења и забелешки за време на јавната дискусија а истите можат да ги достават и писмено во архивата на Град Скопје барака 16 или електронски на адресата gup@skopje.gov.mk

 

Град Скопје ги повикува сите заинтересирани граѓани и претставници на заедницата активно да се вклучат во овој процес од јавен интерес.