Град Скопје и ЈП „Улици и патишта“ продолжуваат секојдневно да ги санираат поголемите оштетувања на коловозите на булеварите и  на улиците со поголем проток низ Скопје.

Денеска ќе се изврши санација на ул. Ацо Шопов (Скупи), ул. Црногорска и ул. Лука Геров (до последна 22 во с. Волково) во општината Ѓорче Петров, бул. Борис Трајковски (правец од нас.Драчево кон нас.Пинтија), како и на бул. Теодосиј Гологанов каде што  покрај санација на големите оштетувања ќе се нивелираат и шахтите кои долг период предизвикуваат поголеми штети на возилата на граѓаните.

Екипи на Град Скопје и на ЈП „Улици и патишта“ секојдневно се на терен и детектираат каде има потреба од итна санација на коловозот, но исто така се врши сондажа за потребата од дополнителна сообраќајна сигнализација низ градот која ќе ги намали сообраќајните незгоди и ќе помогне за подобра видливост на пешачките премини.