Ја информираме јавноста дека службите на Градот Скопје констатираат дека се врши вандализам врз урбаната опрема во Градскиот парк на неколку наврати изминатиот период.

Остро го осудуваме секој вандалски чин или дејствие насочено кон уништување на урбаната опрема која е поставена во градскиот парк или на било кое друго место, чија намена е да служи за граѓаните и која се набавува со средства од граѓаните.

Апелираме до јавноста за зачувување и неоштетување на урбаната опрема поставена на јавните површини, како и со било кое дејствие на вандализам се причинува штета која е казнива согласно закон.

Ја охрабруваме јавноста да го пријавува во службите на Градот секој затекнат чин на вандализам врз урбаната опрема или намерно оштетување на истата со цел да се причини штета, инспекциските служби на Градот Скопје ќе вршат вонредни надзори и ќе постапуваат согласно надлежностите.

Службите на Градот Скопје работат на реконструкција на патеките во Градскиот парк, а со тоа и обновување на зеленилото, а секоја оштетена урбана опрема ќе биде санирана или заменета со нова, во интерес на сите граѓани.

Апелираме и до Министерството за внатрешни работи да воспостави редовни контроли на ова подрачје со цел спречување на вандалските дејствија и соодветно казнување на сторителите.