![](/media/5279/plast-2.jpeg)
ГРАД СКОПЈЕ СО ИНТЕНЗИВНИ ГРАДЕЖНИ АКТИВНОСТИ ЗА ВИКЕНДОТ - СЕ РАБОТИ НА ПОВЕЌЕ ЛОКАЦИИ ВО ГЛАВНИОТ ГРАД 12.4.2020
Град Скопје викендов реализира интензивни градежни активности за реконструкција и проширување на фреквентните градски улици и булевари, на инфраструктурата во комплексот на Клинички центар, а се работи и на изградбата на новиот булевар во Бутел, мостот на Вардар во Аеродром и кружниот тек во Чаир.
Со засилено темпо и ноќно работење се реконструира и проширува булеварот Никола Карев (Пластичарска) и овој капитален проект е во завршна фаза од реализација. Викендов се врши финално асфалтирање на оваа прометна сообраќајница на потегот од клучката кај Бит-пазар до влезот во касарната „Илинден“, на вкупна должина од 1.440 метри.
Во завршна фаза е и изградбата на новиот булевар Христијан Тодоровски Карпош во општина Бутел. На овој потег, во тек е финалното асфалтирање и наскоро Скопје ќе го добие првиот булевар што ќе излегува на обикилница.
Екипите на Град Скопје викендов интензивно работат и на втората фаза од реконструкцијата на улицата Индира Ганди во општина Шуто Оризари, а во тек е и изградбата на кружниот тек во Чаир, меѓу улиците Втора македонска бригада и Кемал Сејфула во општина Чаир.
Град Скопје продолжува да го помага Клинички центар, каде што по целосната реконструкција на сервисната улица на влезот на Клинички центар, викендов се работи на завршување на новата пристапна улица до Инфективна клиника. После повеќе од 50 години, целосно се обновува инфраструктурата во комплексот на Клинички центар.
Градежните активности продолжуваат и на булеварот АСНОМ, каде се гради нов мост на Вардар кој ќе ги поврзува улицата Васко Карангелевски во Аеродром со улицата Индустриска во населбата Ќерамидница во Гази Баба.
Град Скопје во наредниот период ќе продолжи со интензивни градежни активности за реконструкција и изградба на нови улици во Скопје.
- ВЕСТИ
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ
- 23.08.2024 - Соопштение за јавност