![](/media/4269/уредени-нови-зелени-површини-8.jpg)
ГРАД СКОПЈЕ УРЕДИ НОВИ ЗЕЛЕНИ ПОВРШИНИ НА ПОВЕЌЕ ЛОКАЦИИ 12.7.2019
Екипите на Град Скопје изминатиов период хортикултурно уредија и реконструираа повеќе јавни зелени површини во различни делови од градот. На зелените плоштади и коридори е поставена мрежа за наводнување, уредени се нови тревници и цветни форми и се засадени садници.
Така, на булeварот Србија наспроти Џевахир Скај Сити на површина од 4.781 квадратен метар е уреден зелен плоштад со хидрантска мрежа и 50 прскалки. Со зеленило е уреден и просторот во Ново Лисиче меѓу булеварот Февруарски поход и улицата Тодор Чангов, на површина од 3.635 квадратни метри.
Зазелени и просторот меѓу улиците Втора македонска бригада и Кемал Сејфула во Чаир на површина од 3.590 квадрати, а уреден е и зелен коридор на булеварот 8.Септември во Карпош – на потегот меѓу булеварите Партизански одреди и Митрополит Теодосиј Гологанов, на површина од 3.479 квадратни метри.
Во текот на изминатите месеци со зеленило беа збогатени јавни површини и на булеварот Митрополит Теодосиј Гологанов, кај „Реплек“; на булеварот Партизански одреди, кај Соборниот храм „Свети Климент Охридски“ и во близина на Универзалната сала, како и на просторот зад „Дрводекор“ и на булеварот Митрополит Теодосиј Гологанов во близина на студентскиот дом „Кузман Јосифовски Питу“.
Подигањето и уредувањето нови зелени површини е меѓу приоритетите на Град Скопје. Активностите за уредување на нови зелени плоштади и зелени коридори ќе продолжат и во текот на летово.
- ВЕСТИ
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ
- 23.08.2024 - Соопштение за јавност