Голем број млади посетители вчеравечер во Градскиот парк се забавуваа и уживаа на културно забавниот настан по повод одбележувањето на Меѓународниот ден на младите.

Настанот во организација на Град Скопје, во соработка со МКЦ и Универзална и Кинотека на РСМ, почна со проекција на отворено на филмот „Сестри“ од режисерката Дина Дума, а потоа следеше музичката забава за младите со настапите на DJ Marigo и Zoki Bejbe.

Овој настан на отворено во Градскиот парк ќе продолжи да се организира секоја сабота до средината на септември, а посетителите ќе можат да се дружат и да уживаат во културно забавна програма.