Почитувани,

Согласно член 32 од Законот за финансирање на единиците на локалната самоуправа, имам обврска да Ве информирам дека Извештајот за извршување на Буџетот на Град Скопје, за 2021 година за периодот 01.01 – 30.09.2021 година, предложен на втората седница на Советот на Град Скопје, не беше усвоен.

Дискусијата по предложената точка од дневниот ред, беше опсежна. Членовите на Советот кои ја образложија својата одлука да гласаат против или воздржано по однос на Извештајот, наведоа бројни причини, кои се сведуваат на тоа дека овој Извештај укажува на голем број нереализирани проекти, а буџетот кој е предмет на овој Извештај, не ги одразува приоритетите на Скопјани.

Дел од дискусиите на членовите на Советот се однесуваат на нереализирани проекти како Луна паркот, голем дел од проектите за локалниот економски развој, голем дел од предвидените проекти во областа на заштита на животната средина, проекти од областа на културата, занаетчиството, комуналната инфраструктура, образование итн. Потрошени се 26.000.000 денари за привремени вработувања. Од предвидените средства за капитални расходи, реализирани се само 45,7%, додека за маркетинг на претходниот градоначалник, во изборна година, се потрошени 80.000 евра.

Во аудио записот од седницата, се содржани сите дискусии кои одат во прилог на одлуката на мнозинството членови на Советот на Град Скопје, да не даде поддршка на овој Извештај.

                                                                                                                                                     Со почит,

                                                                                                                                                   СОВЕТ НА ГРАД СКОПЈЕ

                                                                                                                                                     Претседател,

                                                                                                                                                     Трајко Славески