Во рамки на европскиот проект Креарт (CreArt) се распишува јавен повик за пријавување за учество на Семинар за куратори, коj ќе се одржи од 3 до 5 октомври во Национална галерија на Македонија „Даут Пашин Амам“.

Главни теми за кои ќе се дискутира на семинарот се:

 

-Уметност меѓу зборовите - По дијалогот;

-Локални уметнички практики, локални или глобални услови;

-Контекстуализација на уметничкото производство;

-Дефинирање на типови изложби, независни, групни, ретроспективи, ангажирани уметности - што значи тоа за кураторот?

 

Семинарот е отворен за локални куратори и уметници кои се родени или жители во кој било од градовите што учествуваат во проектот „CreArt -  Мрежа на градови за уметничко творештво“: Авеиро, Клермон Феран, Руен, Џенова, Лече, Каунас, Катовице, Лублин, Ливерпул, Скопје, Ваљадолид и Загреб.

Курторите и уметниците треба да имаат диплома за уметност, кураторство или сродни области или најмалку една година работно искуство во музеј/галерија.

Организацијата ги покрива патните трошоци (до 600 евра) и сместување, освен за учесниците од Скопје.

Програмски Директор и Директор на работилници е Натали Рајчиновска Павлеска, архитект и ликовен критичар.

Он-лајн формуларот за апликација мора да се достави на интернет пред 3 август 2019 година: https://creart2-eu.org/open-calls/

 

Потребни се следниве документи:

- Име, адреса, телефонски број и адреса за е-пошта;

- Скенирана копија на лична карта или пасош;

- Кратка биографија;

- Причини за учество на семинарот со доставен краток текст за предлог-изложба (очекувано насловена) со најмногу 500 зборови. Значајно е изложбата и уметникот да бидат од локален или друг познат контекст.

 

Директорот на работилницата, Натали Рајчиновска Павлеска, ќе избере најмногу 20 куратори и уметници. Одлуката ќе биде објавена на или пред 18 август 2019 година, додека избраните лица ќе мора да го потврдат своето учество до 25-ти август.