![](/media/4304/emw-en-1.jpg)
ШИЛЕГОВ: ПОПЛАДНЕ ДОЈДЕТЕ НА „РЕКОРД“, УЛИЦАТА ЌЕ БИДЕ ПЕШАЧКА ЗОНА 19.9.2019
Градоначалникот Шилегов ги поканува граѓаните на големата Велофиеста што ќе се одржи попладнево на улицата Димитрија Чуповски, кај „Рекорд“, како дел од одбележувањето на Европската недела на мобилност 2019. Улицата Димитрија Чуповски денеска (19.09.2019 година) од 18 часот ќе биде затворена за сообраќај, а од 19 часот на нејзиниот коловоз ќе се организира дружење и забава на отворено, со освежување и содржини за деца.
- Дојдете заедно да го почувствуваме отворениот простор и да видиме како ќе изгледа Малиот Ринг во иднина, ослободен од моторизиран сообраќај. Донесете ги и своите деца, ќе има многу забавни содржини и за нив и за возрасните – вели Шилегов.
Активностите на Европската недела на мобилност 2019 кои се посветени на алтернативните форми на транспорт се организираат под мотото „Пешачи со нас“. Партнер на Градот Скопје во реализацијата на овој проект е здружението на граѓани „Македонски зелен центар“, а во организирањето на многубројните активности ќе учествуваат и Делегацијата на Европската Унија, Министерството за животна средина и просторно планирање, неколку скопски општини, средните училишта и центрите на култура на Град Скопје, GIZ, Црвен крст, МВР, ЈСП, Републички совет за безбедност во сообраќајот, Македонска велосипедска федерација, Цементарница Титан, како и повеќе здруженија на граѓани, меѓу кои Прв до врв, Еко свест, Еко логик, Go green, Смарт Ап, Електромобилност и други.
- ВЕСТИ
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ
- 23.08.2024 - Соопштение за јавност