Екипите на ЈП Улици и патишта, по налог на Град Скопје деновиве поставија 70 заштитни столпчиња на повеќе градски сообраќајници за да се спречи непрописното паркирање на возилата по пешачките и по велосипедските патеки.

Заштитни столпчиња екипите на ЈП Улици и патишта денеска  поставуваат на улицата Јордан Мијалков, на која во изминатите денови веќе поставија 30  столпчиња.  Екипите деновиве поставија  и  над 40 заштитни столпчиња на булеварот Кузман Јосифовски Питу, булеварот Трета македонска бригада, на крстосницата на  булеварот Јане Сандански со улицата Фрањо Клуз и на улицата Васил Ѓоргов.

Екипите на ЈП Улици и патишта ќе продолжат да  поставуваат заштитни столпчиња  и во наредниот период на  сите сообраќајници за да се олесни движењето и да се зголеми  безбедноста на пешаците и за да се спречи непрописното паркирање на возилата.