Во просториите на Град Скопје утре (29.09.2026 година) ќе се одржи проектен форум што се реализира во рамки на проектот „Зајакнување на општинските совети - 2“, кој е финансиран од Швајцарската агенција за развој и соработка (SDC), а спроведуван од УНДП и Град Скопје. Форумот е закажан за 13 часот, во Салата до Кабинетот на Градоначалникот.

Присутните на форумските сесии ќе може да даваат предлози и да учествуваат во подготовката на проекти од интерес на жителите на Град Скопје. Низ форумскиот процес ќе се изработуваат и изберат проекти со кои ќе се аплицира за нивна реализација во рамките на вкупниот фонд од 15.000 американски долари.

Присуството на граѓаните, здруженијата на граѓани и претставниците на  институциите, како и нивното активно учество на сесиите ќе даде голем придонес и ќе биде од особено значење за успешно спроведување на проектниот форум и изборот на проект/и, предложени и поддржани од жителите на Град Скопје.