![](/media/5850/се-реконструира-улицата-боца-иванова-во-бутел-1.jpg)
СЕ РЕКОНСТРУИРА УЛИЦАТА БОЦА ИВАНОВА, ВО БУТЕЛ 31.8.2020
Екипите на Град Скопје од денеска ја реконструираат улицата Боца Иванова, во општината Бутел, на потегот од кружниот тек до улицата Лазар Трповски. На оваа делница со должина од 800 метри ќе се обнови коловозот, а ќе се нивелираат и постојните шахти и сливници.
- Оваа улица, заедно со улицата Лазар Трповски, чијашто реконструкција ќе биде изведена исто така до крајот на годинава, се исклучително фреквентни улици. Тоа се улиците кои водат до влезовите на градските гробишта „Бутел“ и кои ги спојуваат општините Бутел и Шуто Оризари, што ја чини потребата од нивна реконструкција повеќе од неопходна. За потсетување, годинава реконструиравме и дел од улицата Александар Урдаревски која се наоѓа во непосредна близина, а во тек е изградбата на втората фаза од булеварот Босна и Херцеговина. Булеварот Христијан Тодоровски Карпош веќе неколку месеци активно го користат нашите сограѓани од северниот дел на градот кои сега благодарение на овој булевар побргу стигнуваат и до обиколницата и до централното градско подрачје. Во таа насока пристигнуваат мноштво позитивни реакции од многу наши сограѓани кои живеат во овој дел од Скопје – рече денеска градоначалникот Петре Шилегов.
Вредноста на договорот за реконструкција на улицата Боца Иванова е речиси 7 милиони денари со вклучен ДДВ, а рокот за изведба е 25 дена.
На почетокот на градежните работи за реконструкција на улицата Боца Иванова денеска присуствуваа и градоначалникот на Општина Бутел, Велимир Смилевски, директорот на ЈП „Улици и патишта“, Бобан Црничиќ и директорот на ЈП „Дрисла“, Коста Начевски.
- ВЕСТИ
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ
- 23.08.2024 - Соопштение за јавност
- 20.08.2024 - Соопштение за јавност