ПОЛОЖЕНО СВЕЖО ЦВЕЌЕ НА СПОМЕНИКОТ НА ПАДНАТИТЕ БОРЦИ ОД НОБ 18.8.2023

По повод 18 август, Денот на Армијата на Република Македонија, делегација на Град Скопје, предводена од градоначалничката Данела Арсовска, денеска положи свежо цвеќе на гробот на споменикот на паднатите борци од НОБ во алејата на великаните на градските гробишта во Бутел.

Градот Скопје во име на своите граѓани ја изразува својата благодарност за посветеноста на војниците припадници на македонската армија во зачувувањето на мирот и безбедноста во нашата земја и споменот на македонските партизани.