07.05.2020 Градот Скопје од денеска е побогат за уште една важна сообраќајница - булеварот Христијан Тодоровски Карпош. Оваа нова сообраќајна врска која ќе овозможи развој на северниот дел од градот денеска и официјално беше пуштена во употреба, во присуство на градоначалникот Петре Шилегов кој се обрати пред присутните. На настанот присуствуваа и претседателката на Советот на Град Скопје, Љубица Јанчева, градоначалниците на општините Бутел, Гази Баба и Шуто Оризари - Велимир Смилевски, Борис Георгиевски и Курто Дудуш, како и претставници од јавните претпријатија.