ГРАДОНАЧАЛНИКОТ ТРАЈАНОВСКИ НА РАБОТНА АКЦИЈА ВО НАСЕЛБАТА ЕКОНОМИЈА 13.8.2016
Градоначалникот на Град Скопје Коце Трајановски и денеска /13.08.2016 година, сабота/, како и претходните денови, е на терен во поплавените подрачја во Скопје каде ја координира работата на Штабот за заштита и спасување на Град Скопје.
Заедно со градоначалникот на Општина Гази Баба, Тони Трајковски, градоначалникот Трајановски беше во населбата Економија, каде им се приклучи на жителите, работниците и волонтерите во расчистувањето на куќите и вадењето на уништената покуќнина и градежен отпад. Претходно во ова населено место, по неколкудневна интензивна работа на јавните претпријатија и АРМ, скоро целосно е завршен процесот на вадење на водата од домовите и дворовите.
- Сиот шут, ѓубре и уништена покуќнина се вади од куќите и дворовите и се истовара во оваа локална мини депонија, по што големи камиони го собираат и го носат во депонијата „Дрисла“. На овој принцип работиме во сите населени места кои беа погодени од невремете, а постои огромна депонија кај основното училиште во Сингилиќ која ја празниме со голем број на камиони. Поради големата количина на материјал, празнењето го правиме и преку ден и навечер. Вечерва и утре повторно ќе работиме со полн капацитет и ќе се реализираат големи акции за чистење и се надевам дека во понеделник состојбата ќе биде далеку подобра – кажа градоначалникот Трајановски.
Градоначалникот на Гази Баба Трајковски изјави дека на одредени места состојбата полека се враќа во нормала и дека во одредени места е започнато вршењето на дезинфекција на куќите.
- ВЕСТИ
- 13.09.2024 - Соопштение за јавност
- 11.09.2024 - Соопштение за јавност: Град Скопје поднесе 20 проекти на јавниот повик на Владата
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност