Повеќе од 100 вработени во администрацијата на Град Скопје, јавното претпријатија „Градски Паркинг“ и ЈСП-Скопје, денеска /14.08.2016 година, недела/ беа на терен и помагаа во поголем број на населени места погодени од невремето минатата сабота.

Вработените беа поделени во поголем број на тимови и работеа согласно потребите на терен, каде одредени тимови работеа на расчистување на домовите и дворовите од уништена покуќнина и градежен материјал (шут), други работеа на расчистување на улиците, трети на товањето на истото во камионите кои го изнесуваа.

На екипите на терен кои работеа во населеното место Ченто им се приклучи и градоначалникот на Град Скопје, Коце Трајановски кои се вклучи во акцијата за чистење на улиците во ова населено место.