Градот Скопје ги известува граѓаните дека третиот наврат од авионската и од терестричната дезинсекција против ларви од комарци во 2016 година ќе се реализира на 17.09.2016 година (авионска),  а на 19.09.2016 година (терестрично) на подрачјето на град Скопје,  односно:

1. Третиот наврат на аеросолната дезинсекција (авионска) во 2016 година, на подрачјето на Град Скопје, против ларви од комарци, ќе се реализира на 17.09.2016 година, сабота, во период од 06 до 12 часот. Притоа ќе бидат опфатени сите мочуришта,  канали и стоечки водени површини во градот Скопје и неговата околина, како и течението на реката Вардар.

2. Третиот наврат на аеросолната дезинсекција (терестрична) во 2016 година, на подрачјето на Град Скопје, против ларви од комарци, ќе се реализира на 19.09.2016 година, понеделник, во период од 09 до 17 часот. Притоа ќе бидат опфатени сите стоечки водени површини во градот Скопје (канали, езера во Градски парк, езеро Треска и по течението на реката Вардар).

Доколку временските услови не го дозволуваат вршењето на аеросолната дезинсекција, авионската дезинсекцијата ќе се изврши првиот нареден ден, кога ќе бидат поволни временските услови, во истиот термин, а согласно на тоа ќе се извршува и терестричната дезинсекција.

Се известуваат пчеларите навремено да ги преземат потребните мерки за заштита на пчелите.