Со цел да се подобри подигањето на отпадот  на територијата на  градот Скопје во текот на изминатите неколку недели, екипите на ЈП „Комунална хигиена“-Скопје реализираа акција за миење и дезинфекција на контејнерите за исфрлање на комуналниот отпад со зафатнина од 1,1 м³, поставени во општините Ѓорче Петров, Карпош, Центар, Чаир и  во Кисела Вода.

 

Контејнерите се транспортираат во Центарот за селекција на отпадот во Карпош, каде што се врши нивно миење, дезинфекција, репарација, а со помош на автоцистерни се изведува и комплетно миење и на џебовите на нивните микролокации.

 

Освен миење и дезинфекцијата на контејнерите, ЈП „Комунална хигиена“-Скопје, во споменатите 5 скопски општини изврши и замена на старите и дотраени садови со комплетно нови садови за исфрлање на отпадот.

Во општините Ѓорче Петров, Карпош, Центар, Чаир и во Кисела Вода се изврши комплетно перење и дезинфекција на сите постојни садови за исфрлање на отпадот со зафатнина од 1,1 м³, како и на нивните микролокации.

 

Во рамките на акцијата, со нови контејнери се заменети вкупно 155 дотраени контејнери на 28 локации. ЈП „Комунална хигиена“-Скопје, во претстојниот период ќе ги продолжи овие активности во сите скопски општини, со цел да се подобри хигиената на садовите за исфрлање на отпадот, како и на самите микролокации за  да се избегне ширењето на непријатните миризби.