Градоначалникот на Град Скопје, Коце Трајановски, заедно со Претседателот на Владата на Република Македонија, Емил Димитриев, министерот за одбрана Зоран Јолевски и со градоначалникот на Општина Гази Баба, Тони Трајковски, денеска извршија увид во активностите за расчистување на теренот во населеното место Инџиково.

Тие посетија голем број домови, разговараа со граѓаните чии имоти беа погодени од поплавата и се информираа за нивните потреби и за успешноста на активностите за расчистување.

Акцијата за расчистување на Инџиково е во понапредна фаза. Во ова населено место сите улици се расчистени од кал, а во поголемиот број куќи е извршена и дезинфекција.

Активностите на терен ќе продолжат и во наредните денови, се до целосното расчистување на последиците од катастрофалното невреме.