Градоначалникот на Град Скопје, Коце Трајановски и градоначалникот на Општина Гази Баба, Тони Трајковски во спортската сала во ООУ „Наум Наумовски Борче“, денеска /08.05.2016 година, недела/ присуствуваа на меѓународниот карате турнир „Солидарност Опен 2016“.

На турнирот кој се одржува по 16-ти пат, настапија повеќе од 500 натпреварувачи од повеќе земји од регионот.

Турнирот е во организација на карате клубот „Солидарност“ од Скопје, а и оваа година турнирот е финансиски поддржан од страна на Град Скопје.

За долгогодишната поддршка на овој турнир од страна на Град Скопје, организаторот додели благодарница за Град Скопје и градоначалникот Трајановски.