Градоначалникот на Град Скопје, Коце Трајановски оствари средба со кинеска делегација од општината Шиченг од Пекинг, НР Кина, предводена од градоначалникот на општината, Ванг Шаофенг. На средбата присуствуваше и амбасадорот на НР Кина,  Вен Женшун. Шиченг е една од 16-те општини на главниот град на НР Кина, Пекинг и претставува административен, политички и економски центар на градот.

- Добредојдовте во Скопје и се надевам дека имате пријатен престој. Го поздравувам вашето збратимување со скопската општина Центар кое претстаува добар пример и за другите општини од Скопје и од Пекинг, изјави градоначалникот Трајановски.

Градоначалникот Трајановски истакна дека Скопје е збратимен град со Нан Чанг и ја потенцираше одличната соработка и долгодишното пријателство меѓу двата града.

За време на средбата, гостите од Шиченг ги искажаа своите импресии од Скопје и изразија задоволство од нивниот престој.