ВЕЧЕР ОФИЦИЈАЛНО ОТВОРАЊЕ НА 41.МЛАД ОТВОРЕН ТЕАТАР 21.9.2016
Љубителите на театарската уметност вечер /21 септември/ ќе можат да уживаат во претставата „Вашето кралство“ на трупата „Форте компани“ од Унгарија, по текст на Шандор Тар и во режија на Чаба Хорват, што официјално ќе го отвори 41. Меѓународен театарски фестивал „Млад отворен театар“.
Во драмата „Вашето кралство“ се раскажува неутешна приказна, која е истовремено драматична и апсурдна, а креативната енергија и радикалните средства, типични за оваа компанија, му помагаат на гледачот да се нурне во светот на маргинализираните и имаат ефект што тешко може да избледи.
Во програмата на годинашниов МОТ, се претставите: „Ние, европски Фестивалот, кој го организира Младинскиот културен центар под покровителство на Град Скопје и Министерството за култура, а ќе трае до 27 септември се и претставите:
22 септември
-„Ние, европски лешеви“ на Словенско младинско гледалишче во режија на Себастијан Хорват, во 20 часот во салата 25 Мај во МКЦ,
-„Државата“ театарскиот перформанс на Александар Мануилоф од Бугарија, во 22 часот во Сала Фросина во МКЦ,
23 септември
-„Галеб“ на театарот „Види“ од Лозана на германскиот режисер Томас Остермаер, во 20 часот во Македонски народен театар,
24 септември
-„Офф-Надминување од границите“ на театарот „Ујвидеки Синхаз“ од Нови Сад, во 20 часот во Сала Фросина во МКЦ.
25 септември
-„Коските што доаѓаат доцна“ во режија на Мартин Кочовски и во изведба на Државниот театар од Приштина во 20 часот во Сала Фросина во МКЦ.
26 септември
-„Мртовецот доаѓа по љубената“ на Прешерновиот театар од Крањ, во 20 часот во Сала Фросина во МКЦ,
-„Случајот Хармс“ на Театар Комедија во режија на Дино Мустафиќ, во 22.30 часот во Театар Комедија,
27 септември
-„Мртва точка“ во режија на Раду Африм на романскиот театар „Тома Карагиу“, во 21 часот во Конгресен центар Александар Македонски.
На МОТ годинава ќе има и Македонски ден /25 септември/, кога ќе биде изведена танц-претставата „Без наслов“ на Скопје танцов театар, како и „Коските што доаѓаат доцна“ во режија на Мартин Кочовски и во изведба на Државниот театар од Приштина и „Да го поздравиш и да ми го бациш“ на режисерката Билјана Радиновска во изведба на „Артопија“ од Скопје.
Во рамки на 41.МОТ како дополнителна програма, ќе се одржи и промоција на книгата РАПСОДИЈА НА ТЕАТАРОТ во издание на МОТ и МКЦ од францускиот филозоф, драматург и професор Алан Бадју.
Во претфестивалска програма (МОТ+). на овој реномиран театарски фестивал, на 14.09.2016 година, беше изведена претставата „Догвил“, а претходно беше отворена изложбата на фотографии со театарска тематика на познатиот македонски фотограф Љупчо Илиевски направени во периодот од 1984 до 1996 од изданијата и репертоарите на МОТ, којашто посетителите ќе може да погледнат до 27 септември, односно до затворањето на фестивалот.
Годинава, исто така, во рамки на МОТ+ се одржа и програмата „Шекспир на филм“, односно од 15 до 19 септември беа прикажани пет филма за великанот на светската драматургија.
- ВЕСТИ
- 13.09.2024 - Соопштение за јавност
- 11.09.2024 - Соопштение за јавност: Град Скопје поднесе 20 проекти на јавниот повик на Владата
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност